Sunday, 5 June 2016

مطعم دار حمد

دولمه

دار حمد هو مطعم يقدم أكلات كويتية معروفه بالاضافه الى بعض الاطباق المبتكرة. ديكور المطعم جدا مريح وجوه عائلي وقريب راح يفتتحون فيه كافيه (شاي الضحى) وبيكون بالدور الاول و عندهم قاعه للمناسبات الخاصه تقدرون تحجزونها. 



سلطه الباذنجان

 الاكل بالنسبه لي جيد وماكان بالمستوى اللي توقعته. بعض الاطباق كانت ماصخه وأما مجبوس الدياي والمربين ماقدموا لنا شي معاه مثل دقوس الطمام او الصبار المتعارف عليهم والعيش كان يبيله شوي سوى أكثر. اسعار بعض الاطباق مبالغ فيها.


كبه ربيان

 أكثر شي عجبني هو كبه الربيان وسلطه الباذنجان والدولمه والمربين وكانت كيكه التمر هي الفايزه بهذي الجوله وممكن ارجع للمطم بس اطلبها مع قهوة.


حمسه لحم

 المطعم يفتح يوميا من الساعه 9 الصبح لان يقدم الريوق بالاضافه للغدا والعشا ويفضل حجز مسبق لان دايما يكون محجوز بالكامل. 


كبدة وكبه ربيان وحمسه لحم

دار حمد في السالميه جانب المارينا مول ت 22275555


بيذان

مربين ومجبوس دياي

كيكه التمر 

كيكه الزعفران


No comments:

Post a Comment