Saturday, 7 May 2016

مطعم امنيه بهارات التركي



أمنيه بهارات هو أحد المطاعم اللي كنا نمر عليها كل يوم وفي البدايه اعتقدنا انه مطعم هندي يمكن لان الاسم اوحى لنا بهالشي واكتشفنا انه تركي فيوجن .المنيو غريب واحترنا شنو نطلب ونجرب .


أول ماقعدنا على طول يضيفون خبز مع تغميس من الزيت والخل البلسميك. وعندهم مازة تركيه الباردة وتكون باطباق صغيرونه وجاهزة واخترنا الدولمه التركيه وتغميس جبن الفيتا والدولمه كانت عجيبه فعلا . 


Whipped Feta & Sweet Red Roasted Pepper

Turkish Dolma 


المازة التركيه الحارة ايضا متوفرة وطلبنا السجق ومتوفر اطباق عالميه وطلبنا الربيان بوبس مع تغميس الهريسه الحارة واللي يحبون الربيان راح وايد يعجبهم.

Turkish Sujuk

Crispy Prawn Popcorn 
Omnia Seafood Pasta


الاطباق الرئيسيه كانت باستا بحريه فيها سمك السالمون والربيان بصلصه طماط حارة وكميتها راهيه . البيرغر كانت ووبر امنيه ومعاها سلطه ملفوف وبطاط وحجمها صراحه صدمني من النوع العملاق وارتفاعها شبر كامل! بس كانت لذيذة وطلبتها ميديوم ويل وفعلا يابوها مثل ما بغيتها والباستا كانت حلوة وممكن تطلبونها من غير الفلفل. 


موقع المطعم في مول الامارات عند السينما . 

Omnia Whooper

No comments:

Post a Comment