Monday, 18 April 2016

Din Tai Fung Dubai دن تاي فونغ دبي



دن تاي فونغ مطعم تايواني مشهور وله افرع كثيره حول العالم منها فرع واحد في دبي وتحديدا مول الامارات جنب السينما. المطعم يفتح الساعه 11 الصبح ودايما مزدحم ولسته الانتظار تاخذ 35 الى 45 دقيقه خاصه وقت الغدا أو العشا. 


المنيو عبارة عن انواع مختلفه من الدمبلنغ , الشاولونغباو والنودلز . قررنا نجربه وقت العشا وانتظرنا 35 دقيقه . الخدمه سريعه والستاف حبوبين ويجاوبون على اي استفسار حتى وان كان المكان مزدحم.  



طلبنا شوربه هوت اند سور وطعمها مختلف تماما عن الي تعودت عليه في مطاعم الكويت وانصح بتجربتها والكميه تصلح للمشاركه .

Hot and Sour Soup

Szechuan Shrimp and Chicken Wontons

السيشوان ونتون حبيته وايد مع الربيان والدياي وكان الفلفل السيشوان معتدل حرارته ويصلح للي مايتحمل الاكل الحار.


Cْhicken XiaoLongBao 
أكثر شي مشهور عندهم الشاولونغباو وطلبناه بالدياي وله طقوس معينه بالاكل مشروحه على بطاقه موجودة على كل طاوله.



 طريقه أكل الشاولونغباو 

Shrimp Chow Mein
نودلز الشاومين بالربيان كان لذيذ بس الكميه مو كبيره . الاكل خفيف ومن بعد ما دفعنا الحساب صراحه تمنيت لو طالبه شي زيادة مثل الفرايد رايس او نوع ثاني من الونتون. 



No comments:

Post a Comment