Sunday, 31 January 2016

مطعم مارغريتا



أول تجربه لي لمطعم مارغريتا الايطالي وتحديدا فرع الغيت مول. ديكور المطعم ايطالي كلاسيكي وفرن الحطب للبيتزا والمخبوزات تقدرون تشوفونه.



أول ما تقعدون يضيفونكم خبز مع  زيتون مهروس. المنيو منوع واحترنا شنو نطلب . اخترنا بالاخير بيتزا Diavola و Vegeteriana و دجاج المشروم Pollo Funghi و باستا Tortelloni Pollo.


Diavola 

بيتزا ديافولا هي بالبيبيروني وفيجيتيريانا هي بالخضار المشويه والاثنتين كانوا اختيار موفق .

Vegeteriana 

Tortelloni Pollo

تورتيلليني بالدياي هو عبارة عن باستا محشيه بالدياي وكانت وايد لذيذة والحشوة راهيه والصلصه كانت فعلا شي لذيذ لدرجه كنت ابي منه زيادة . هذا كان الطبيق المفضل عندي وانصح فيه.



Pollo Funghi
 بولو فونغي هو عبارة عن شرائح صدور دياي مع بطاط مهروس وصلصه المشروم وكان ايضا اختيار موفق .



فرع الغيت مول يعتبر الفرع الثاني لهم وفرعهم الاول في أرابيلا. خدمتهم والستاف تمام و عندهم اواع مختلفه من القبلات والسلطات والشوربه بس ماطلبنا لان بيكون وايد الاكل ولنا زيارات ثانيه باذن الله لان حبينا الاكل وايد وفي وايد اشياء ماجربناها.


No comments:

Post a Comment