Wednesday, 13 January 2016

مطعم الخديوي



الغيت مول هو ثاني أكبر مول بالكويت ولما افتتحوه كان بالنسبه لي يوم عيد لانه يبعد عني بس سبع دقايق بالسيارة . المحلات اللي فيه منوعه والمطاعم والخدمات توفر علي مشاوير وايد لكن عيبه الوحيد حاليا عدم توفر مواقف. اخر مرة مرينا فيها الغيت مول قررنا نجرب مطعم الخديوي. 




يقدم الاكل المصري التقليدي وطبعا الشاي الكشري . يفتح الصبح لانه يقدم الريوق بالاضافه للغدا والعشا.

كانت الساعه 12 الظهر وماكنا وايد يواعه فما طلبنا مواعين رئيسيه. طلبنا كان ببساطه شاي مصري وشوربه عدس , سلطه خضرا, وفول وفلافل , وسجق وبطاط ويقدم الاكل مع الخبز المصري.

الاكل وصل فرش ولذيذ وحبيت شوربه العدس وايد والسجق. ماجربت الفول والفلافل بس أهلي عجبهم . أخر شي وصل البطاط ولكن للاسف ماكان مستوي كله عدل, لو ناطرين عليه بس شوي كان تمام.  

أجمالا الاكل لذيذ ويبيله زيارة ثانيه لان المنيو عنده وايد منوع . 

شوربه العدس

سلطه خضرا


الفول

الفلافل

السجق

البطاط

No comments:

Post a Comment