Friday, 30 October 2015

تجربتنا كافيه ومخبزDough



مجمع مطاعم ميرال يحتوي على وايد مطاعم جديدة وغير موجوده بمكان ثاني ووقع اختيارنا على كافيه ومخبز (دو) Dough اي العجين . الكافيه حلو وهادي وفيه قعدة خارجيه.




أول ماتدخلون راح يلفت نظركم المخبوزات من الكرواسان والخبز وعندهم خبزة خاصه فيهم اسمها Booboo Bun وانصح فيها حق اللي يحبون العيين نفسي وفيكم تطلبونها سادة او مع حشوة النوتيلا او التيركي وايضا Croffin وهو هجين مابين الكرواسان والمفن .



منيو الريوق كان منوع لدرجه ان ماعرفنا نقرر شنو نطلب الا بعد اكثر من نص ساعه . يقدمون وايد  انواع من البانكيك والوافل ( المالح والحلو)  والبيض بعد.

كل شي طلبناه حبيناه وكميه الاكل راهيه وتشبع والستاف كانوا وايد حبوبين وحسينا نفسنا وكأنا في بيت من كثر ما كنا ماخذين راحتنا . 

Fried Chicken Waffle




Fried Chicken Waffle عباره عن وافل مع تفاح اخضر وشرايح من صدور الدياي مع ميبل سيرب.


Mexican Omelette

 Mexican Omelette عباره عن بيض اومليت بحشوة من المشروم الفلفل الحار وفلفل ملون بارد وعليها صلصه السالسا المكسيكيه والساور كريم والتورتيا ويقدم مع البطاط والهوت دوغ.

Hispaniola

Hispaniola عباره عن بطاطا مهروسه وبيض عيون مع الافوكاتو و صلصه السالسا المكسيكيه مع التوست ز

Spanish Omelette
 Spanish Omelette عباره عن بيض فيه فلفل بارد ملون وبصل وجبنه تشدر وبطاط ومشروم ولحم مفروم ويقدم مع البطاط والهوت دوغ.



البوبوبن Booboo Bun طلبناها مع النوتيلا 

(Booboo Bun (Nutellini



No comments:

Post a Comment