Saturday, 24 October 2015

نقصه مطعم قماشه



وصلتنا نقصه من مطعم قماشه للمأكولات الكويتيه وهي عبارة عن مموش ربيان طري وكان بصينيه تكفي لأربع الى خمس اشخاص وماعون مجبوس دياي وسلطه فتوش بالاضافه الى السيرفس اللي هو اجار ومعبوج ودقوس طماط ودقوس صبار وخضرة.


بالنسبه لي احب السلطات بأواعها ولكن اذا كان فيها صلصه فيها خل وليمون وهو حال أغلب السلطات العربيه مثل الفتوش والتبوله ما أكلها.

 حبيت الفتوش عندهم ومجرد ماشفت العلبه على طول جربتها لان فيه دبس الرمان وكان واضح عليها وعن نفسي أحبه وايد فحبيت الفتوش كان مو وايد حامض وفيه حلاه خفيفه.

مجبوس الدياي (بنت الديك) خنين والعيش نثري , وبالنسبه لنجم المائدة بلا منازع خنين وناطع وانصح فيه وهو مموش (الربيان الطري)  واللي سبب لي تخمة من النوع الفاخر.

اشكر مطعم قماشه عالنقصه اللذيذة واكرمكم الله .








مطعم قماشه مكانه في بنيد القار وعندهم توصيل لجميع المناطق 
ت 22572455 - 22572655

لمعرفه المنيو تابعوهم عالانستاغرام




No comments:

Post a Comment