Sunday, 18 October 2015

#تخبيص_تالي_الليل مع مساعد المطيري



عرف الصديق مساعد المطيري بحبه لعالم الازياء والموضه وهو دايما يهتم ويعرف شنو يلوق له ولا مرة شفته مهمل شكله سواء ببدله رسميه او لبس كاجوال وعلى درايه بأخر الصيحات بحكم وظيفته كبرسونال شوبر في هارفي نكلز الكويت.

عالم الميديا عالم واسع ويتوسع ويتطور يوميا ومع ظهور الانستاغرام بدت الناس تعرف مساعد أكثر وأكثر ومنها #تخبيص_تالي_الليل هي لزمه صارت الناس تنطرها منه واختراعاته الغريبه في المطبخ .






السناب شات وهو تصوير حي ومباشر للاحداث كان شي ايجابي للكثيرين ومساعد منهم و ظهر جانب اخر من شخصيته وبدت الناس تتفاعل معاه اكثر وتشجعه الى ان طور وصفه للبرغر مع صديقه الحارث .

البيرغر الخاصه فيهم تم تسميتها (تخبيص تالي الليل) وفي يوم الجمعه تحديدا تم اطلاقها في سالاد بوتيك ديفون وبحضورهم .


البيرغر غريبه شكلا وتنفيذا وبالنسبه للطعم لذيذه وخفيفه حبيت فكرة انها محشيه بالجبن والبيكن ووحدة ماتكفي .

اتمنى كل التوفيق لمساعد وناطرين على نار الفناتق اليديدة 




تابعوا مساعد عالانستاغرام والسناب شات 

@musaed_1980



No comments:

Post a Comment