Sunday, 13 September 2015

مطعم Köşebaşı في ذا كيوب مول



ذاكيوب مول من المجمعات اللي حبيتها وماصارله فترة طويله فاتح والقعدة فيه مريحه وقررنا في يوم نروح نجرب كوشيباشي التركي .


المنيو حلو ومنوع و ماعرفنا شنو نطلب صراحه خاصه المقبلات كلها شكلها شوق وعندهم سامبلز يورونكم كل واحد شنو. الخدمه كانوا حبوبين وبالهم طويل وشرحوا لنا الاطباق ووضحوا لنا عن كميه الاكل وفي اطباق فرديه ولمجموعه اشخاص (4 أشخاص) . 

طبق العينات يورونكم المقبلات حتى تعرفون شنو تطلبون

المقبلات عن نفسي حبيتها كلها ماعدا سلطه الفتوش.  


فاصوليا

شمندر باللبنه


ورق عنب

حمص

هاذا ما أذكر شنو هو بالضبط بس كان لذيذ

فتوش

 Icli Kofte  كبه محشيه لحم أنصح بتجربتها



الاطباق الرئيسيه بس طلبنا طبقين للمشاركه وتكون ل 4 اشخاص:

الاول مشاوي مشكله فيه شيش طاووق وكباب لحم وكباب دياي وشيشليك اللحم ومكعبات اللحم ويقدم مع الخبز والبطاطا والخضرة والبرغل.




الطبق الثاني كان كباب الروب وانصح فيه وحبيته وايد وهو عبارة عن شرايح الدونر مع صلصه طماط وروب وتحته طبقه من الخبز المكعبات تتشرب الصلصه وكان مايقاوم. 

كباب الروب

هذا ثاني فرع لهم الاول في الغراند افنيوز بس ماصار لي فرصه اجربه من قبل.


No comments:

Post a Comment