Thursday, 24 September 2015

مطعم الدار المغربي



أفتتح رسميا مطعم الدار المغربي في ذاغيت مول على انغام من الطرب الاصيل. بالنسبه لي أول مره اجرب الاكل المغربي ومثل اي اكل عربي عجبتني المقبلات اكر من الطبق الرئيسي . المقبلات جربنا الجبدة وهي المفضله عندي كانت وايضا البطاطا اللي سببت ادمان عليها والزعلوك (من الباذنجا) والسمبوسه . 

 الخبر الفرش والزعلوك

الجبده وانصح فيها وايد

السمبوسه

البطاطاوانصح فيها بعد



لان كان يوم الافتتاح فالمنيو كان محدود والاطباق الرئيسيه كانت الطاجين ويكون معاه عيش  وهو شخصيا ماعجبني ولكن عجب صديقاتي وخاصه اللحم بالبرقوق.




طاجين الدياي


طاجين اللحم بالبرقوق


الحلويات كانوا 3 انواع منهم اثنين مغربي الاول حلو اللوز ( الصورة اللي تحت ) وعليه صلصه كاكاو سايح وهو اللي نال على اعجاب الكل والثاني كان رهش وعليه قشطه ايضا عجبنا اما الحلو الثالث كان تشيزكيك التمر ماعجبني بالمرة .




منيو المطعم منوع ويبيله تجربه ثانيه لان المنيو كان جدا محدود يوم الافتتاح . 


مشكورين الدار وذاغيت مول عالدعوة اللي استمتعنا فيها وايد من اكل واجواء ولا اروع.


No comments:

Post a Comment