Friday, 4 September 2015

مطعم حروف في برج جاسم



اول ماتدخلون برج جاسم بالدور الارضي راح يلفت انتباهكم مطعم بديكور وايد بسيط  باللونين الاسود والابيض ومميز بنفس الوقت ومريح جدا للعين والنفسيه.

المطعهم هو مطعم حروف ويقدم أكلات من مختلف البلدان العربيه منها الخليجي والشامي والشمال أفريقي. 

حبيت اهتمامهم بالتفاصيل الصغيرة ومثل ما الاسم (حروف) راح تشوفون الحروف العربيه في كل مكان كالطاولات والاضائه وحتى صحون التقديم . كل زائر للمطعم يسأل عن أول حرف من اسمة ويكون صحن التقديم يحمل أول حرف من اسمة. 

صحن التقديم الخاص فيني وعليه حرفي التاء 

البطاطا الحرة والتبوله والفتوش وروب بالخيار والبطاط المقلي


بالاكل العربي دايما أفضل المقبلات على اي طبق رئيسي لانها وايد لذيذة ومنوعه . طلبنا البطاطا الحرة  وسودة الدياي بالدبس وسجق (وانصح فيهم وايد) والتبوله والفتوش وروب بالخيار وطبعا شي اساسي بكل مائدة وهوالبطاط المقلي.


سجق

سودة (كبدة) الدياي بالدبس 

بالنسبه للأطباق الرئيسيه كانت طاجين الدجاج المغربي ومشاوي مشكله وشيش برك ومعاه عيش بالشعيريه . كميه الاكل الاكل حلوة لشخص يوعان او ممكن شخصين يتشاركون فيه.

طاجين الدجاج المغربي

مشاوي مشكله

شيش برك 

بعد ماتخلصون الاكل يقدمون لكم قهوة عربيه وهي من ضمن الخدمة وحلوة الفكرة . وطلنا الحلو اللي كان ختام حلو لوجبتنا . طلبنا أم علي (كميتها حلوة لشخصين) وانصح فيها وايد وممكن اني ارجع بس عشانها وكنافه بالرازبيري وماي الورد وبودنغ التمرمع الايسكريم.


أم على
بودنغ التمر

كنافه الرازبيري بماي الورد






مطعم حروف في برج جاسم  بالدور الارضي 

 ت 22960101 

انستاغرام



No comments:

Post a Comment