Monday, 16 March 2015

حلويات سويت اند مور



حلو زوارة يوم الجمعه قبل الماضي كان من سويت اند مور وهو جديد في عالم الانستاغرام. طلبنا قبلها بيومين من باب الاحتياط خاصة انه هوم بزنس وجديد. وصل عالموعد تماما وكان طلبنا عبارة عن حلو الكيوي وحلو اصابع الجبن وكنافه الجبن والكميه راهيه ماشاءالله والاسعار جدا مناسبه ويعتبر اجمالا ارخص شوي من منافسيه. 




حلو الكيوي وكان في كاسات (18 حبه) بارد ومنعش ويسرسح والكيوي فرش .




اصابع الجبن الحلوة كانت عبارة عن قنبله موقوته وما انصح فيه لاصحاب الرجيم لان مجرد ماتاكلون اصبع راح تجر وراها اصبع ورا اصبع الى ان تشوفون نفسكم قضيتوا على الصينيه بالكامل وانصح فيه مع فنجان من القهوة العربيه او التركيه وعيشوا اخر مزاج.




الكنافه غير عن اللي تعودت عليها بالمحلات التجاريه والمختصه بالكنافه وصراحه هذي مقرمشه وناطعه اكثر من اي كنافه جربتها . شهادتي فيهم مجروحه كل شي جربناه روعه وراح اطلب منها مرة ومرتين وثلاث . 


هذا حسابهم بالانستاغرام:



No comments:

Post a Comment