Sunday, 11 January 2015

Mak Zara Restaurant and Cafe مطعم و مقهى ماك زارا




مطعم ومقهى ماك زارا في مجمع مطاعم ديفون بمنطقه أبو الحصاني هو الاول بالكويت من نوعه وهو بوسني الاصل. ويقدم الريوم والغداء والعشاء طوال أيام الاسبوع. تمت دعوتنا لتجربه أصناف جديدة من اعداد محمد الرشيد وهو أصغر شيف بالكويت والمشهور ب fried_Junk@ .




المطعم وايد صغير من داخل لكن متوفر قعدة خارجيه والجو كان وايد حلو فقررنا نقعد برة. اول شي طلبت منهم اي شي بارد  ويسرسح على ذوقهم وفعلا عطوني طلبي وكان Berry Lemonade وهو عصير ليمون بالتوت وانصح تجربونه.


Berry Lemonade

Caramelized Beetroot Salad


للمقبلات اول شي اخترنا سلطة الشمندر بالعنب وكانت حلوة من حيث تناقض النكهات . العنب والشمندر فيهم حلاه والجبن الابيض مع الصلصه حامضه فكانت من الاشياء اللي حبيتها شخصيا.

Buffalo BBQ Chicken

من المقبلات ايضا دياي بفلو بصلصه الباربكيووكان اختيار موفق والدياي ماكلن زفر وطري .

Garlic Bread


خبز بالثوم والجبن حبيناها وايد وطريقتها غير عن اللي تعودنا عليها لانها كانت محشيه بالجبن بالثوم وانصح بتجربتها.

Add caption

بالنسبه للاطباق الرئيسيه اول شي جربنا الستيك وكانت ترفه بشكل خيالي ومافيها اي شحم والصلصه معاها لذيذة وايد والكل اجمع انها افضل الاطباق اللي جربناها وانصح فيها اذا تحبون اللحم .

Four Cheese Ravioli with Minced Meat

طبق رئيسي ثاني كان رافيولي الجبن بصلصه اللحم المفروم البيضا. الكميه راهيه واول مرة اجرب صلصه لحم بيضا وكانت موفقه الخلطه بس شوي ثقيل الطبيق فيكون حلو للمشاركة.

Beef Burek


بالنسبه للاطباق البوسنيه المشهورة هي البورك ومتوفرة بعدة حشوات واخترنا باللحم وللاسف كانت العجينه ناشفه جدا .




اذا كنتوا من عشاق القهوة التركيه انصح بتجربه القهوة البوسنيه وهي اخف شوي من التركيه ويقدمونها مع راحه الحلقوم .

Molten Chocolate Cake


من الحلويات جربنا المولتن كيك وتقدم مع ايس كريم لولو . الخلطة عبارة عن دمار شامل واللي مسوي ريجيم راح يروح علية تعب اسبوع كامل . وايد حبيتها وانصح فيها.


Apple Crumble

الحلو الثاني كان أبل كرمبل . ما عجبتني لأنها وايد حلوة وبس احس بطعم شيرة .  






التجربه اجمالا كانت حلوة ويبيله نجرب ريوقهم . يفتح يوميا من 8 الصبح لغايه منتصف الليل.

ملاحظة: اطباق الريوق تقدم على مدار اليوم.


تابعوهم عالانستاغرام للتعرف على اطباقهم اكثر :




No comments:

Post a Comment