Thursday, 11 December 2014

اضافات جديدة لقائمة مطعم غاذرنغ The Gahering

New Menu

اضافات جديدة على منيو مطعم غاذرنغ للغداء والعشاء. تمت دعوتنا لتجربه الاصناف الجديدة وكانت منوعه من سلطات وشوربه واطباق رئيسه وحتى الحلويات. من الاطباق اللي جربناها :


Iced Parmesan Salad

Iced Parmesan salad سلطة مكوناتها وايد غريبه من ايسكريم وجرجير وجبنه بارميزان وغيرة بس الطعم عجبني وايد ماتوقعتها تكون لذيذة وانصح تجربونها.


Melanzane Alla Parmigiana  طبق مقبلات عبارة عن طبقات من الباذنجان بصلصه الطماط والجبنه كان وايد لذيذ وحلو مع الجو البارد لهالايام وانصح بتجربته.



اصابع الدجاج كان من المقبلات وهو طبق عادي جدا .


Crunchy Pizza
Crunchy Pizza بيتزا مارغريتا مغطاة بطبقه بطاط كرسبي وجرجير. كانت وايد دسمة وثقيله لدرجه ماقرت اكل غير ربع قطعه ! . ياريت يعيدون النظر بمكوناتها.



T-Burger كانت لذيذه واللحم ترف ولكن ايضا كانت دسمه وايد لان الخبز مدهون بالزيت وماقدرنا ناكل منها الا النص . 


Creamy Cinnamon Pudding

الحلو كان عبارة عن بودنغ بارد . وهوعبارة عن كرواسان محشي بالدارسين وعليه صلصة كريميه بيضا كانت اهيا اللي محليته وانصح فيه مع كوب من القهوة. 

مشكورين غاذرنغ عالتجربه الممتعه ونتمنالكم التوفيق. 

غاذرنغ مكانه مقابل مجمع الصالحيه بنايه نور ت: 22449091

No comments:

Post a Comment