Tuesday, 19 August 2014

The Grove Cafe & Restaurant كافيه ومطعم ذا غروف



 مطعم وكافيه جديد ينضم الى مجموعه المطاعم اللي بدت وبشكل واضح بالانتشار في شارع مبارك الكبير في مدينة الكويت .اذا كنتوا مارين فيه  لازم يلفت نظركم الباب الازرق في بنايه مكي جمعه وهو لكافيه ومطعم (The Grove) . المقهى يقدم منيو منوع للريوق وايضا الغدا والعشا. 

قهوة اللاتيه

عصير مانغا بالنعناع


قررنا ان نتريق فيه خاصه بعد مامدحه وايد ناس وبالذات البانكيك.  المكان عطاني انطباع  وكأني في حديقه بالبيت خاصه مع انتشار الزرع والاشجار وايضا صوت الطيور ( وهو شي حبيته بعيد عن الموسيقى والاغاني )   ويعطي شعور بالراحه . 

طلبنا كان عبارة عن بيض بينيديكت الكرواسان و بيض مكسيكسي وريوق انغليزي  تقليدي (نسيت اصورة من اليوع ) و بانكيك الفستق والكيندر وقهوة لاتيه وعصير مانغا مع النعناع.

كميه الاكل حلوة تكفي لشخص . النسبه لاطباق البيض البينيديكت والمكسيكي كانوا وايد لذيذين وبالذات الكرواسون والخبزة اللي مع البيض المكسيكي ترفين وفرش وخفيفين . وانصح في تجربتهم . 

البانكيك شي خيالي لذيذ وحار وفرش وحبيت اكثر اللي باكيندر من اللي بالفستق . وما انسى عصير المانغا بالنعناع بارد ويسرسح .

الخدمة بطيئه شوي لان حاليا Soft Opening فطولوبالكم واستمتعو بالاجواء كثر ماتقدرون . يفتح الكافيه يوميا من 7 الصبح لغايه 12 الصبح. تابعوهم علانستاغرام للتعرف على الاطباق اكثر


بيض بينيديكت الكرواسان

بيض مكسيكسي

بانكيك الفستق

بانكيك الكيندر





No comments:

Post a Comment