Sunday, 4 May 2014

My Trip to the US: New York Part 3 رحلتي لأمريكا: نيويورك الجزء الثالث

الجزء الثالث والأخير من رحلة نيويورك.آخر يوم قررنا نتمشى في التايم سكوير. أول شي تريقنا في جونيورز المشهور بألذ تشيزكيك عالطريقة النيويوركية. 





للأسف الكابتشينو كان طعمه ماي مع ان شكله حلو. وضيفونا بحلويات دنماركية.



التشيزكيك وكيكة الليمون مع الكوكونت كانوا لذيذين ذكروني في تشيزكيك فاكتوري  ومايحتوون على جيلاتين



ويم المطعم فيه مخبز تابعله للي يبون ياخذون حلويات معاهم البيت
 







بما إني من محبين المسرحيات والعروض قررنا نروح مسرحية علاء الدين من إنتاج دزني. وكان ودنا نروح مسرحية سبايدر مان بس كانوا موقفينها. أغلب المسارح في نيويورك موجودة في برودواي عند التايم سكوير. التذاكر كنا حاجزينهم أونلاين قبل سفرتنا باسبوع لأن وقت سفرتنا كانت إجازة الإيستر (عيد الفصح) وزحمة غصب حصلنا 3 كراسي يم بعض. كالعادة ممنوع التصوير داخل المسرح فبحطلكم إعلان المسرحية.



المسرحية حلوة وايد عجبتنا بس مغيرين بالشخصيات والأحداث شوي. بعدها تمشينا في المكان فيه محل ام اند امز بس اللي بلندن عجبني أكثر لأنه أكبر وديكوراته أحلى . وفي محل شوكولاته هرشيز وفيه محل ديزني ومحل تويز ار اس ضخم داخله قليلبه. وفي محلات ملابس اللي تكون أسعارها مناسبة مثل أمريكان ايغل واكسبريس وفوريفر 21 وأولد نيفي واتش اند ام وسيفورا للمكياج وغيرهم. التايم سكوير مشهور بإعلاناته وشاشاته الضخمة فالتصوير وايد حلو هناك وراح تشوفون فنانين الشوارع هناك مثل ليستر سكوير اللي في لندن.




















وغير المحلات في متحف مدام تسو (متحف الشمع) ومتحف صدق أو لاتصدق بس مادخلناهم لأنهم نفس اللي بلندن.






وجربنا أشهر محل كب كيك في نيويورك اسمه كرمبز. الكب كيك عنده حجمه كبير وعنده بحجم الكيك الكبير للمناسبات وجربنا شغله يديده اسمها كرمبنت مثل فكرة الكرونت بس تكون محشية بصلصة أو كاسترد جربنا اللي بالكاسترد ماعجبنا.






 
 وقريب من المكان كان فيه سوق شعبي






 
وتعشينا في مطعم بوبا غامب اللي ممستوحينه من فيلم فوريست غامب.







 وشفنا المغني سنوب دوغ هناك.


No comments:

Post a Comment