Saturday, 3 May 2014

My Trip to the US: New York Part 2 رحلتي لأمريكا: نيويورك الجزء الثاني

 ثالث يوم قررنا نروح تمثال الحرية لأن الجو كان شمس وحلو للتصوير. أول شي رحنا ماديسون سكوير بالمترو عشان نتريق بكافيه ماكس برنر اللي مدحوه لنا ويشبه شوكليت بار الكويت. المترو طريقته سهله نفس طريقة اندرغراوند لندن بس لندن أنظف ومنظم أكثر. اللي عجبني فيه ان داخل القطار فيه شاشات تقولك وين وصلت عكس لندن اللي حاطين بوستر وانت تتابع معاه.

 













الكافيه فيه محل كاكاو بس ماشرينا منه





بعدين أخذنا المترو مرة ثانية ورحنا جزيرة ستاتن اللي فيها تمثال الحرية. أول ماوصلنا قالولنا إن الدخول بس للي حاجزين تذاكر أونلاين قبل أسابيع من موعد الزيارة. قبل كان عادي نشتري تذاكر من المكان نفسه. فحجزنا رحلة الهيلوكبتر تورينا تمثال الحرية ومدينة نيويورك من فوق. نصيحة للي يحبون التصوير ودوا معاكم عدسة زووووم لأن الهيلوكبتر ماتقرب من تمثال الحرية مثل مايحطون بالفيديو اللي يعرضونه بمركز التأجير. الرحلة نص ساعة بس وتذاكر الهيلوكبتر تشمل رحلة بحرية.








واحنا في الهيلكوبتر شفنا حاملة طائرات حربية قريبة من المكان رحنالها بعد ماخلصنا




على متن حاملة الطائرات في طائرة كونكورد وغواصة ومكوك فضائي وطائرات حربية




 


 

بعدها أخذنا المترو ورحنا ميسيز أكبر دبارتمنت ستور في أمريكا.

 صراحة ماعجبني ميسيز مع ان وايد ناس يحبونه. مع ان اهو أكبر دبارتمنت ستور بس أكثرهم زحمة وغير هذا كان فيه موظفين من أصول عربية فمن يشوفون الخليجيين يلحقونهم ويحاولون يقنعونهم يشترون خاصة بقسم المكياج. في ساكس وبيرغدورف استمتعت بالتسوق لأن المحل فاضي والموظفين معاملتهم ممتازة يسئلونا إذا نبي مساعدة بس مايفرضون علينا نشتري. ميسيز فيه طابق للرجال وطابق للأطفال والسرداب لأغراض البيت والأرضي فيه قسم للعطور والمكياج والجناط والاكسسوارات وطابقين للملابس النسائية وطابق للأثاث. وفيه مطاعم وكافيهات ومحل جيبلاتو ومطاعم وجبات سريعة.

رالف لورين كان منزل بولو شيرت مغيرين فيه اللوغو بدال الحصان حاطين دب وكان حصري لميسيز



الشي الوحيد اللي عجبني فيه ان فيه ماركات أسعارها متوسطة أكثر من الماركات الغالية. قسم الأحذية كان كبير وحلو وفيه وايد ماركات أسعارها مناسبة



 غير ميسيز وساكس وبيرغدوف في اثنين دبارتمنت ستورز مشهورين بنيويورك اهم بارنيز وبلومينغديلز. بارنيز موجود في ماديسون أفنيو وفي محلات حلوة بالشارع نفسه. بارنيز وايد هادي وصغير قسم العطورات فيه كان حلو وفيه ماركة غويار.


إذا حابين تضيفون أحرف أو خطوط على جنطتكم راح تاخذ 5 أسابيع ويقدرون يدزونها لكم الكويت بعد ماتخلص


هالموديل يديد توه نازل سعره 3 الاف دينار وايد أغلى من فرنسا



الحلو فيه ان بكل دور عندهم شاشة باللمس بدال ما الواحد يفتر يور الماركة اللي يبيها هالشاشة تطلع له كل طابق وشنو فيه



بنفس الشارع فيه نحل جواتي وايد حلو وأسعاره حلوة


 
ولفت انتباهي محل متخصص بس للقفازات وعنده موديلات وجلود مختلفة

 

بعدها رحت مشي شارع لكسينغتون اللي فيه محل بلوميتغديلز وفيه محلات وايد غيره. وايد حبيت بلومينغديلز لأن البوتيكات اللي فيه حجمها كبير فتحصلون فيها بضاعة أكثر ومرتب أكثر من الباجي.












 

بقسم الجواتي كان في ماركة تركية اسمها كابري تاتش يسوون صندل على الطلب. تختارون القاعدة والجلد والاكسسوار اللي بتزينون فيه الجلد


وداخل بلومينغديلز فيه كافيه ماغنوليا بيكري


قبال بلومينغديلز فيه محل حلويات مشهور اسمه ديلانز كاندي بار 3 أدوار والدور الأول كافيه وغير الحلويات فيه اكسسوارات على شكل حلويات. إذا بتشترون منه ديروا بالكم من المنتجات اللي فيها جيلاتين خنزير













 


  تقارير رحلة أمريكا:

No comments:

Post a Comment