Friday, 2 May 2014

My Trip to the US: New York Part 1 رحلتي لأمريكا: نيويورك الجزء الأول

رحلتي لأمريكا كانت شهر ابريل. اخترنا هالوقت لأن الجو مايكون وايد بارد في نيويورك ولا وايد حار بلوس أنجلوس ولاس فيغاس. حجزنا على الخطوط الجوية البريطانية وطرنا من لندن وكانت الرحلة مريحة ومتوفر فيها خدمة الترفيه وفيها مجموعة كبيرة ويديدة من الأفلام. 


سكنا في فندق نوفوتيل وأخذنا غرفة تطل على التايم سكوير وموقعه ممتاز ويمه محطة مترو. الغرف مجددة ونظيفه وعجبني فيه اللوبي فيه خدمة الكمبيوتر والطباعة وطاولات انتراكتف (مثل الايباد) وجهاز بلاي ستيشن.







 أول يوم رحنا بالتاكسي متحف American Museum of Natural History من أكبر المتاحف بالعالم وفيه أكبر مجموعة من الديناصورات. المتحف يطل على أشهر حديقة في نيويورك سنترال بارك. سنترال بارك حلو التمشي فيها وقدرون تأجرون عرابة حصان. الحلو بالتكاسي ان كلهم فيهم خدمة الدفع ببطاقة الإئتمان وفيهم شاشة تسلي الراكب وقت الزحمة.






بعدها رحنا مبنى الإمباير ستيت من أشهر المباني وثاني أطول مبنى في نيويور.




 نيويورك من قمة الإمباير ستيت


مبنى كرايسلر من أجمل مباني نيويورك كان أطول مبنى في العالم قبل مايبنون الإمباير ستيت سنة 1931


تقدرون تصعدون لي قمة البرج بس ماصعدنا كان يومها برد وهوا
 وبعدها تمشينا لما وصلنا مبنى فلات آيرون. واسمه مستوحى من شكله كأنه أوتي (مكواة)

اخر شي تغدينا في وينديز نسترجع الذكريات :)


ثاني يوم رحنا نتمشى ونتسوق في شارع فيفث أفنيو. فيه أغلب البوتيكات ومحل (دبارتمنت ستور) بيرغدورف غوودمان وساكس ومحل هنري بندل المشهورين ومجمع روكتفيلر 

 






المحل كل دور متخصص بشي فيه قسم قويار وغيره مثل شانيل وديور وتوم فورد في الدور الأرضي المتخصص للاكسسوارات وفيه دور للمكياج والعطور ودور للملابس والأحذية ودور للأثاث وكافيه ومطعم ومبنى ثاني للرياييل.


  والمحل فيه عارضات لابسين ملابس الكولكشن اليديد اللي نازل


وثاني محل (دبارتمنت ستور) موجود بشارع فيفث أفنيو اهو ساكس.




 قسم الأحذية في ساكس


ولازم تجربوا ايسكريم نيويورك :)

 والشارع فيه محل العاب مشهور اسمه فاو شوارز






عجبني هالقسم تقدرون تصممون فيه لعبتكم تختارون الراس والجسم والشعر والملابس

أشهر بوتيك تيفاني في العالم اللي طلع في فيلم بريكفاست ات تيفانيز


محل هنري بندل اكسسواراته وايد حلوة


والشارع فيه محل أبل 


وفيه برج رجل الأعمال المشهور دونالد ترامب



 ويومها تغدينا في مترو كافيه طريقته ستيشن ساندويشات وباستا وسلطات



وغير هالكافيه في كافيهات وايد ومنهم كافيه ديفوا اند بليكلي وقريب منه حديقة صغيرة فيها كراسي وطاولات يتجمعون فيها الموظفين وقت الغدا فحلو الواحد يقعد فيها وياكل







 تقارير رحلة أمريكا:

No comments:

Post a Comment