Wednesday, 7 May 2014

My Trip to the US: California (Santa Monica, Malibu & Disneyland) (رحلتي لأمريكا: كاليفورنيا (سانتا مونيكا، ماليبو، ديزني

وايد سمعنا ان مطعم آيهوب بالكويت مو مثل اللي بأمريكا فقررنا نجربه ونشوق الفرق وباختصار الطعم نفسه مافي فرق. السفر والذكريات الحلوة اهي اللي تحسسنا ان الطعم أحلى ;)







قريب من لوس أنجلوس في أماكن وايد حلوة مثل سانتا مونيكا، ماليبو، ديزني لاند وأورانج كاونتي بس مامدانا نروحلها.

1- سانتا مونيكا:

المكان روعة فيه شاطىء ومسنة فيها مدينة ألعاب صغيرة وقليلبة ويمهم في مجمع اسمه ثيرد ستريت برومناد فيه بلومينغديلز ونوردستروم والشارع نفسه فيه محلات وماركت من دول مختلفة بالعالم وناس تسوي عروض.



















وجربنا الجيلاتو بكافيه أغو اللي بالمجمع كان لذيذ



وحق اللي ناسين وين صفطوا سيارتهم تكتبون رقم السيارة ويدليكم مكانها

2- ماليبو
ماليبو منطقة جبلية عالبحر مشهورة بشواطئها ووايد مشاهير عندهم بيوت هناك. احنا بس رحنا البحر في ناس تروح تتسلق جبال. الشاطىء اللي رحناله شاطىء خاص اسمه بارادايزكوف صغير ونظيف وحلو وهادىء بس الماي كان وايد بارد ماينفع للسباحة الناس بس كانت تتشمس. شفنا هناك الممثل رون موس الشخصية الرئيسية في مسلسل ذا بولد اند ذا بيوتيفل "ريدج".












المطعم اللي عالبحر في قعه داخلية وخارجية أكله حلو أغلبه بحري. ربيانهم كان ألذ ربيان أكلته بحياتي حده فريش ومشروباتهم (غير كحولية) وايد حلوة













ونصيحة إذا بتروحون أي مكان فيه بحلر أجروا سيارة كشف واستمتعوا بالجو

3- ديزني لاند
دزني لاند كاليفورنيا في منطقة أناهايم اهي أقدم مدينة ملاهي ديزني. عبارة عن حديقتين ديزني لاند بارك وديزني أدفنتشر تقدرون تشترون تذكرة لوحدة منهم بس أو لثنتينهم. احنا رحنا ديزني بارك بس. الألعاب تشبه اللي بيوروديزني بباريس والصراحة حبيت اللي بفرنسا أكثر كان فيها عروض مثل مسرحيات وهذه ماكان فيها حتى الشخصيات ماكنا نشوفهم عشان نصور معاهم. الشي الوحيد اللي أحسن من باريس اهو الهدايا التذكارية تشكيلتهم وايد كبيرة. وصلنا هناك 12 الظهر وطلعنا الساعة 10 بالليل بس للأسف لعبنا بس 5 ألعاب لأن الوقت اللي احنا رايحين فيه إجازة الإيستر ووايد زحمة وكل لعبة ننطر فيها وايد على ما ايي دورنا.
 


 









 







 



 

ومثل كل مدينة ديزني يسوون موكب شخصيات ديزني وبالليل عرض بالماي وألعاب نارية.














   

وغير ديزني في مدن ملاهي ثانية مثل يونيفرسال ستوديوز وسيكس فلاقز.

وغير لوس أنجلوس في مدن ثانية حلوة بكاليفورنيا مثل سان فرانسيسكو وسان دييغو بس مامدانا نروحلهم.

ترقبوا رحلة لاس فيغاس..

تقارير رحلة أمريكا:
رحلة نيويورك 1

No comments:

Post a Comment