Saturday, 25 January 2014

البحث عن الهدوء


مع بدايه السنة الجديدة صار في تغيير كبير في حياتي وسببلي ازعاج كبير وهو عمل تدوير بالدوام ونقلي لوظيفه مااتمناها لاحد . التدوير يصير بالدوام عندنا كل 3-6 شهور حتى لايكون هناك ملل وخاصة ان اغلب الاعمال عندنا روتينيه وبنفس الوقت حتى نكتسب مهارات يديدة.

الوظيفه الحاليه تتطلب التعامل المباشر مع العملاء وهم مناديب واغلبهم جهله وغير متعلمين ومن جنسيات مختلفه. بعضهم لايعرف حتى التكلم بالانجليزيه او العربيه , بعضهم اسلوبه سوقي ويعتقد دايما ان هو الصح والبعض الاخر يعتقد ان نشتغل له هو فقط وانه هو اللي يعطيني راتبي . شي مقرف جدا ومزعج نفسيا .

صرت بس ابحث عن الهدوء وابتعدت عن المناسبات اللي توصلني منها الدعوات لان طاقتي كلها استنفذها بالدوام ويكون مالي خلق اكلم احد اواجامل احد .

اقترحت زوجه اخوي ان نروح كشتة عالبحر وكان الجو غيم شوي وفعلا وقتها جهزنا الشاي والقهوة عالسريع  وكان الجو روعه ومافي ناس وازعاج وحسيت براحه نفسيه وقضينا حوالي الساعه وبعدها بدأ المطر . كانت احلى ساعه اقضيها .


No comments:

Post a Comment