Wednesday, 31 July 2013

Cafe Porch كافيه بورتش


عقب ماتفطرنا انا واختي بالأفنيوز وعقب ما تسوقنا قررنا نروح كافيه نشرب قهوة وأختي كانت مشتهية تجرب بورتش كافيه اللي تابع لمحل دير اند دير. مكانه في سوكو الدور الأول عند محلات الرياضة.
 




 
 
اخترنا طاولتنا برة لأن داخل وايد ظلمة. ولما شفنا المنيو استنتجنا ان اهو مطعم اكثر من ما اهو كافيه! الحلو كان أصناف قليلة ونصهم مو متوفرين ولما سألتهم إذا عندهم فرابي او ايسد كوفي (قهوة باردة) قالوا ماعندهم!
 
المنيو

وين الأخطاء الإملائية P:
 
 
 فطلبنا قهوة تركية حسيت انها وايد ثقيلة. وطلبنا فوندو عقب ما بغينا شغلتين وقالوا مو موجودين. وبدلنا المارشملو بفراولة. سألتهم اذا يبدلونه بكيك أو كوكيز قالوا ماعندنا الا فراولة وموز. بس الفوندو كان وايد لذيذ ونكهته على بندق مثل النوتيلا.
 
 
قهوة تركية
 
فوندو
 
بعدها بدقيقتين اختي تذكرت انهم كانوا حاطين كيكة فوندان في أكاونتهم الانستجرام بس ما شفناها بالمنيو فنادينا الجرسون وسألناه قالنا هذه تشوكليت كيك. أحس المفروض يوضحون بالمنيو إذا مو بصورة عالأقل شرح للطبق. ولما قلتله هذه فوندان مو تشوكليت كيك قاللي "لأ يا ستي الفوندان اللي بتغطسي فيه.." واستوعبت ان اهو عباله قصدنا فوندو وفي فرق بين الفوندان (الكيك اللي داخله كاكاو سايح) وبين الفوندو اللي اهو الكاكاو السايح اللي يغمسون فيه فواكه. المهم طلبناها وكانت عادية.
 

تشوكليت كيك



الحساب
 


 بشكل عام حبيت أجواء الكافيه والديكورات بس اذا بييله مرة ثانية راح ايي عشان الأطباق الرئيسية مو عشان الحلو والقهوة.
 

مطعم كاشونة البيت Kashounat Al-Bait

في رمضان أغلب الناس تحب تتفطر بالبيت بس على [خر الأيام الواحد يمل ويشتاق لقعدة المطاعم. حبينا نغير جو واختي اقترحت المطعم الكويتي كاشونة البيت ومكانة بالأفنيوز قسم السوق.
 
احنا اكلنا تمرتنا وصلينا وطلعنا من البيت فلما وصلنا المطعم كان شبه فاضي لأن أغلب الناس تفطرت وخلصت. المطعم قسمين منفصلين عن بعض قسم للوجبات الرئيسية وقسم للحلو. الزحمة كانت بقسم الحلو.
 
رحبوا فينا واخترنا الطاولة ووايد عجبتني  ديكورات المكان. لما سألنا عن المنيو قالولنا ان فطورهم سيت منيو يعني منيو جاهز. الشوربة والسلطة نختار من بين اختيارين بس والوجبة الرئيسية نختار من 4.
 
 
 
 
 
  
 
 
الأكل وصل بسرعة بس ماعجبتني شغلة انهم يابوا الأكل مو بالترتيب الصح. أول شي وصلت المقبلات! قبل الشوربة والسلطة وحتى قبل التمر واللبنة!
 
كبة برغل، كبة بطاط، كبة عيش بالشبنت مع صلصة الكتش اب وصلصة الروب

سمبوسة جبن، سمبوسة بطاط و سمبوسة دجاج


سلطة الجرجير مع جبن الحلوم

فتوش


شوربة القرع والبطاط

 

مجبوس لحم

مجبوس دجاج
دقوس


فيمتو

الأكل بشكل عام وايد لذيذ والتقديم حلو والستاف ممتاز. وبالنسبة للحلو يابولنا محلبية بالزعفران كانت لذيذة ولقيمات ناطعة كأنها شغل بيت ومعاهم الشاي والقهوة.
 






 

 

والحساب وصلنا بالكاشونة. المطعم أنصح فيه اللي يحبون الأكل الكويتي واللي حابين يذوقون أصدقاءهم الغير كويتيين طباخ كويتي.
 


Victoria Beckham Denim AW13-14 Collection