Friday, 15 November 2013

مطعم زافران للمأـكولات الهنديه




دعانا مطعم زافران للمأكولات الهنديه لتجربه أطباقهم مع مجموعه من المدونين.  المكان حلو وهادي ويصلح للعائلات . بدأنا مع ثلاث مقبلات وبعدها المشويات المنوعه ثم الاطباق الرئيسه وختمناها بالحلو.

 
عصير الرمان

دبل مشروم
 دبل مشروم طبق نباتي عبارة عن كرات المشروم المحشي بالجبن وعجبني وايد وانصحكم فيه اذا تحبون المشروم.

ألو تيكي
 ألو تيكي او كبه البطاط المحشيه بالبزاليا وحبيتها وايد وايضا تصلح للنباتيين .

شامي كباب

شامي كباب عبارة عن اقراص لحم الضان المهروس لدرجة انكم ماتحتاجون لتقطيعه مع خلطة بهارات مميزة.


video


المشويات من اكثر الاطباق اللي عجبتني وكان عبارة عن دجاج تكا مالاي وكباب لحم وربيان تندوري .



كاري الربيان بجوز الهند
 كاري الربيان بجوز الهند نكهه يديدة وغريبه كانت بالنسبه لي وايد حلو مع العيش الابيض لان نكهه الصلصه ماتحتاج عيش برياني لان راح يغيرها .


دال بخاري
 دال بخاري من الاطباق الل نقدر نقول عنه ملك المائدة كان . طبق بسيط ولكن كان روعه وخاصه مع خبز النان . الطبق نباتي بحت ولكن شخصيا ممكن اطلبه لاني حبيته وايد . 

خبز النان

دجاج تكا ماسالا
دجاج تكا ماسالا ذو نكه متعودين عليها غيرعن كاري  الربيان وكانت الصلصه لذيذ  مع خبز النان او العيش الابيض او حتى عيش البرياني . تعليقي عليه هو ان ياريت لو يبلغون الزباين شنو يفضلون من الدجاج لاني ماحب الافخاذ بالمرة وكان هو المستخدم . 




برياني الدجاج مع روب وخيار .عيش البرياني لذيذ وتعليقي عليه مثل الطبق اللي قبله . لان الدجاج المستخدم فيه كان الافخاذ وطبعا ماجربت الدجاج.


كيسار بيستا كولفي
كيسار بيستا كولفي هو ايس كريم هندي تقليدي مع الزعفران والفستق وكان وايد منعش بعد الوجبه وانصحكم فيه لازم تجربونه.

ملاحظة : يمكنكم طلب اي من الاطباق مع الفلفل الحار على حسب رغبتكم .

نشكر زافران عالضيافه اللذيذة . مكانهم في سنتربوينت السالميه شارع سالم المبارك الدور الاول . ت: 25750647 و تقدرون تطلبون عن طريق موقع طلبات اذا حابين تستمتعون بالاكل في البيت.




No comments:

Post a Comment