Wednesday, 21 August 2013

Taiyo Restaurant مطعم تايو الياباني

قبل يومين كان عيدميلاد زوجي واهو مايحب الاحتفالات الكبيرة أو المفاجآت. فقررنا نروح مطعم هادى. وبما ان اهو يحب الأكل اليباني اقترحت نروح مطعم تايو الياباني في فندق كوستا ديل سول في الشعب. المطعم مكانه في الدور التاسع وبالليل يكون المنظر حلو.

 



أول ماوصلنا رحبوا فينا وقالولنا نختار المكان. عندهم مكان للتبنياكي يسويه الشيف جدامكم وعندهم سوشي بار وطاولات عادية. كان اختيارنا للطاولات لأن ماكنا ناوين نطلب تبنياكي.
 



عقب ما طلبنا المقبلات والسوشي ضيفونا بالربيان بالبقسماط وكان لذيذ والشاي الأخضر الياباني
 

حبيت ديزاين القلاصات
  
المقبلات
ايبي تمبورا (ربيان
نيجيمياكي (لحم محشي بالبصل الأخضر
السوشي طلبنا نيجيري و3 أنواع ماكي. ووصل الطلب بسرعة

نيجيري السالمون والتونا  
بعدها يانا الشيف وقالنا إن هالطبق على حسابهم مع إنا احنا مابلغناهم ان يايين نحتفل بمناسبة. الطبق كان  ايبي كاتسو ماكي. ووايد حبيته لأني أفضل الربيان بالسوشي لأنه يكون مطبوخ غير باجي أنواع السوشي

طبقي المفضل ايبي تمبورا ماكي وكان طعمه خيااال

ووصلنا طبق ثاني احنا مو طالبينه وكان ضيافة من المطعم عبارة عن ربيان تمبورا مع المانغا

الشغلة اللي ماحبها زوجي ان يستعملون وايد صوص وماتحس بطعم الأكل. انا اعتبرها ميزة لأنها ماتحسسك بطعم الزفرة


كاليفورنيا رول كان غير عن اللي متعودين عليه بس كان عجيب



واخر شي وصل الطبق اللي كنت ناطرته واهو دجاج كنتاكي ماكي!
 

للأسف ماكان حلو. طعم الدجاج مو ماشي مع السوشي. بعد ماخلصنا يانا الشيف وسألنا عن الأكل وقالنا إن راح ينزلون أطباق يديدة في المنيو. انا شخصيا وايد حبيت المنيو كان منوع وفيه كل الأطباق الكلاسيكية. وأسعارهم وايد حلوة مقارنة بباجي المطاعم اليابانية. أنصحكم بزيارته


No comments:

Post a Comment