Wednesday, 7 August 2013

بيتزا إن Pizza Inn

قبل جم يوم اشتهينا بيتزا عالسحور فدخلنا موقع طلبات دوت كوم ودورنا شي مو مجربينه من قبل. عجبتنا تشكيلة بيتزا إن الكبيرة من أنواع البيتزا. اخترنا رويال بيتزا تشيكن الحجم الوسط (مع ان كنا نبي الصغيرة بس مو مكتوب في صغيره) واخترنا العجينة السميكة وطلبنا بيتزا إن سبيشل الحجم الصغير واخترنا العجينة الإيطالية. وطلبنا أجنحة دجاج بدون عظم نكهة الباربيكيو. وطلبت ميرندا برتقال ما وصلوه مع الطلب!!!
 

بيتزا إن سبيشل

العجينة الإيطالية تصير محشية جبن وفوقها أعشاب

رويال تشيكن


أجنحة الدجاج


البيتزا طعمها لذيذ خاصة العجينة السميكة كأنها عجينة فطائر ترفة ولذيذة. وايد عجبتني نكهة الباربكيو بأجنحة الدجاج بس عيب الدجاج ماكان ترف.
 
الشغلة اللي استغربناها إن البيتزتين نفس الحجم مع إن وحدة مختارينها صغيرة والثانية وسط لأن ما كان في اختيار حجم صغير. طلع ان المنيو في الموقع مو مرتبة. في أماكن حاطين الاختيارات (وسط-كبير-عائلي) وفي أماكن حاطين (صغير-وسط-كبير). المفروض يكونون نفس الاختيارات عشان الواحد يختار صح!

وما زلت أطالب بالميرندا اللي ما وصل!

 

No comments:

Post a Comment