Sunday, 18 August 2013

رحلتي لمسقط عمان الجزء الثالث My trip to Muscat Oman Part 3

بالجزء الثالث راح أذكرلكم تفاصيل الغرفة بفندق الحصن في شانغريلا والمطاعم اللي جربناها. غرفتنا كانت ديلوكس مع إطلالة عالبحر. الحلو غرفتنا إن الباب اللي يودي لي البحر والمسبح كان قبالنا بالظبط.



المنظر من البلكونة





باب الحمام
نسيت أصور الجهة الثانية من الغرفة فيها مكتب وداخلة سشوار (مجفف الشعر) وأدوات خياطة. وتلفزيون وميني بار (ثلاجة صغيرة) فيها مشروبات غازية ومكسرات وشوكولاته وعصاير وماي وبرينغلز. الحلو إنه كان ببلاش ويتبدل يوميا. وكانوا اييبون سلة فاكهة صغيرة كل يوم


البانيو يطل على الغرفة وتقدرون تطالعون تلفزيون وفيه سماعات

غرفة التبديل فيها أوتي (مكواة) وأدوات تنظيف الأحذية ونعل


انصدمنا ان ما فيه شطاف!

الصابون والشامبو من لوكسيتان

فندق الحصن فيه مطعم للإفطار و مطعم شهرزاد المغربي ومطعم أكلات بحرية. وفيه مطاعم ثانية يابانية ولبنانية ومكسيكية تابعة للمنتجع بس ماجربناها.


المنظر من بوفيه الإفطار




الريوق من الساعة 6 لي 11 الصبح فتقدرون تتريقون مبجر وترجعونله عال 10 حق الشاي والكيك
















واذا تبون شغلات ثانية مو موجودة بالبوفيه تقدرون تطلبون من المنيو مثل الأومليت والإفطار الشرقي والياباني والبان كيك وينحسب من ضمن البوفيه ماتدفعون عليه زيادة







سعر الغرفة مع الإفطار + الضرايب والخدمة حوالي 120دك لليلة

تعشينا أول يوم في مطعم شهرزاد المغربي وكان وايد غالي والأكل ماعجبني كان مالح والعيش (الارز) يابس مو بمستوى الفندق. طلبنا شوربة حريرة وطاجين ومشاوي مشكلة ومن الحلويات رز باللبن


























للجزء الرابع وفيه الأنشطة التابعة للفندق انقر هنا

1 comment: