Saturday, 17 August 2013

رحلتي إلى مسقط عمان الجزء الأول My trip to Muscat in Oman Part 1

بعد ما قضينا إجازة العيد مع الأهل قررنا أنا وزوجي إن نغير جو ونروح منتجع شانغريلا في مسقط، عمان ل 3 أيام. حجزنا على الطيران العماني درجة رجال الأعمال. الرحلة كانت الساعة 4 الفجر. بس للأسف بما أن الرحلة مدتها قصيرة فالطيارة كانت قديمة مو اليديدة اللي كراسيها تصير سرير. الفرق الوحيد بينها وبين السياحية إن الكراسي شوي أوسع. وماعجبتني طريقة تعامل المضيف. أول شي قالنا تبون ريوق والا لأ؟!! العادة يقدمولنا واحنا نقول نبي والا لأ! وبعدين لما طلبت منه شاي لأني كنت مصدعه قاللي أول بيبلج الريوق ولما تخلصين أييب الشاي!! انا مجربة درجة رجال الأعمال على كذا خطوط وأول مرة أشوف معاملة جذي!



كان عندنا 3 اختيارات للريوق زوجي اختار الأومليت ويقول نه زين. انا طلبت مناقيش وكان معاها فول بس للأسف كان سيء جدا





لما وصلنا أخذنا خط من شركة النورس اللي تعتبر من أحسن شركات الإتصالات


وكنا حاجزين سيارة أونلاين من شركة ثريفتي واستلمناها من المطار بس كانت حالتها سيئة مو مثل اللي أجرناهم في أوروبا وأمريكا


حجزنا للفندق يبدا الساعة 11 وبما ان وصلنا مبجر قلنا نروح نتريق بغدين نروح الفندق. على طريجنا كان المجمع اليديد مسقط جراند مول


المجمع عادي وتوقعته أكبر. وايد محلات كانت بعدها مو فاتحة. ويمه في مجمع يديد قاعد ينبني.

ماكان فيه كافيهات حلوة للريوق غير تيم هورتنز وكانت أول تجربة لنا فيه





الكافيه مشهور بالبيغلز والميني دونت





الأكل كان لذيذ ماعدا الهاش براون كانت يابسة شوي مو مثل اللي عند ماكدونالدز

للجزء الثاني وفيه تفاصيل فندق شانغريلا  اضغط هنا


3 comments:

  1. قبل شهر و نص رحت مسقط
    اعجبتني و قعدنا بشنغريلا بعد
    بالواحه .. المره الجايه ناويين نجرب البندر
    احنا رحنا بطيارة العصر
    مو الفجر

    ReplyDelete
  2. نسيت اقول خذينا خطوط من عمانتل
    و السياره خذينها من مكتب عادي مادري شسمه
    بس كانوا شوي سكراب ههههه
    المعاونات خربانيين كل مطبه السياره تطق بالارض
    مع ان نمشي شوي شوي عليها

    ReplyDelete
    Replies
    1. الظاهر إن كل شركات السيارات نفس الشي :(

      Delete