Sunday, 18 August 2013

كافيه كرجين في مدينة مسقط في عمان Kargeen

لما سألت الفولورز عن المطاعم الحلوة في مسقط وايد منهم ذكروا كافيه كرجين. طلعنا مكانه بخريطة غوغل عالموبايل لأن الجي بي اس مافادنا بولا شي حتى فندقنا ماطلع مكانه. المهم افترينا وايد على ما طحنا عليه.


المطعم طريقته مثل القلعة ممرات وغرف. في غرف للشيشة وفي أماكن بره وقعدات داخل. أغلب الناس كانوا يدخنون شيشة





التنور
المنيو كان كبير ومنوع فيه أكل لبناني وإيطالي وعماني ومجموعة كبيرة من العصاير


كان ودنا نجرب أكلات عمانية مثل القوزي وغيره بس أغلبهم ماكانوا متوفرين الظاهر لأن رايحين بوقت متأخر (10 بالليل) فاضطرينا نطلب المتوفر وكان شوا عماني وكبسة دجاج


لاحظنا ان أغلب الموجودين طالبين بيتزا فقلنا أكيد المعجنات اللي عالتنور حلوة فطلبنا فطيرة زعتر كمقبلات. العجينة كانت لذيذة وترفه وفريش بس الزعتر ماكانت جودته عالية

طلبت عصير تروبيكال المكون من ليشي وجوز الهند بس الجرسونة قعدت تحاول تقنعني أغيره واخذ اللي اهي تنصحني فيه وكان عصير برتقال مع كرز ماعجبني






الأكل كان عادي والدجاجة كانت ناشفة ومن طعمها كان مبين ان من زمان طابخينها ومسخنينها لنا. يمكن لو رايحين عالغدا كان الأكل أحسن. بس بشكل عام ماعجبتني الأجواء والقعدة وايد ظلمة ماحبيته.





No comments:

Post a Comment