Sunday, 18 August 2013

رحلتي لمسقط عمان الجزء الرابع My trip to Muscat Oman Part 4

الجزء الرابع من رحلتي لمسقط راح تتضمن الأنشطة اللي تقدرون تسوونها في منتجع شانغريلا بر الجصة.
بما إن سفرتنا كانت 3 أيام ما مدانا نجرب وايد أشياء. الأنشطة الموجودة:
-القرية المائية
-رحلة بحرية لمشاهدة الدلافين
-الغوص لرؤية الشعب المرجانية (snorkeling)
-الغوص (scuba diving)
-ركوب الخيل عالبحر
- رحلات برية بالجيب
-رحلات برية لمشاهدة الطيور
-رحلات برية لمشاهدة معالم مسقط
-جت سكي - مراكب - قارب الموزة banana boat & Donut
جربنا الرحلة البحرية لمشاهدة الدلافين والغوص لمشاهدة الشعب المرجانية. في رحلة الدلافين قالولنا ان في احتمال 10% إن مانشوفهم وخلونا نوقع إن ماراح نطالب باسترجاع فلوسنا إذا ماشفناهم. اخترنا رحلة الساعة 8:30 لأن فرص مشاهدتهم أكبر. الرحلة الثانية 10:30 ومدة الرحلة ساعتين.

 

سايق المركب ومرشد الرحلة الغواص العماني المحترف يوسف



الدلافين


من أجمل المناظر اللي شفتها بحياتي
وبعد ماشفنا الدلافين مرينا صوب قصر السلطان قابوس وقلعة الفلج وقلعة الميلاني ومعلم المبخر







صخرة رأس القط





منظر الفندق من البحر

 لما رحنا نغوص عشان نشوف الشعب المرجانية ضاق خلقي إن ماعندهم تأجير لكاميرات اللي تصور تحت الماي أو العلبة اللي تحفظ الكاميرا من الماي فما عندنا أي صور تحت الماي
 البحر الخاص بفندق الحصن يطلقون عليه sunset beach لأن حلو لمشاهدة غروب الشمس. بس بالليل يصير المكان وايد ظلمه.




للأسف البحر الخاص بالفندق متروس قنديل البحر بس ماهمنا وتسبحنا وقرصونا لما شبعوا بس مو من النوع السام
غروب الشمس من ورا الجبل








ومن مرافق الفندق اللي زرناها القرية التراثية واهي عبارة عن محلات للهداية التذكارية ومجمع فيه مطاعم وألعاب للأطفال ومحلات بس أغلبها مو فاتح ومسرح روماني.


في الطريق للقرية التراثية









ومن المرافق اللي كان ودنا نزورها السبا بس ماكان عندهم خدمة حجز مساج لشخصين بغرفة وحدة. عندهم قسم الحريم بروح والرياييل بروح.


الجزء الخامس والأخير  يتضمن الأماكن السياحية في مدينة مسقط واقتراحات لأماكن لازم تزورونها. انقر هنا

2 comments:

  1. قواكم الله....
    متابع التقرير من اول يوم
    وماشالله ماتوقعت عمان جذي حلوه

    ReplyDelete