Monday, 22 July 2013

سحورنا جوني روكتس Our Suhoor from Johny Rockets

حبينا ناكل برجر اليوم عالسحور وقررنا نطلب من جوني روكتس واللي اعتبره من أفضل مطاعم البرجر بالكويت. لما دخلت سايت طلبات دوت كوم لقيت ان فيه ٣ انواع يديدة من البرجر والدجاج: پورتابيللو و أريزونا وكاليفورنيا. البورتابيللو تكون مع مشروم الپورتابيللو وأريزونا سبايسي مع هالاپينو وكاليفورنيا مع قواكامولي وخبز اسمر.



 
طلبنا كاليفورنيا واقيو مع شبس وحلقات بصل (أول مرة ما أطلب تشيلي فرايز). وصل الطلب بعد ساعة بالظبط بس للأسف كان بارد والبطاط  وناشف وحلقات البصل كانت لينة. وقطعة اللحم كانت يابسة مو ترفة مثل كل مرة مع إن الوقيو معروف إنه أترف أنواع اللحوم. كان واضح إن الأكل بايت لفترة طويلة (يمكن من الفطور). الصلصة اللي كانت بالبرجر كانت لذيذة والصمونة مع إنها سمرة بس طعمها جيد.
 


 
من بعد هالتجربة ماراح اطلب من جوني روكتس خدمة توصيل مرة ثانية. اروح المطعم وايد أحسن يكون الأكل فريش. أكثر فرع حبيته فرع الأفنيوز اللي في قاعة المطاعم.
 
 







No comments:

Post a Comment