Thursday, 3 January 2013

Chocolastic, Container 75 & Armani Cafe

من رجعت الكويت بعد غيبة طويلة سويت لي لستة بالمطاعم والكافيهات اللي الناس كانت تمدحها. وهذه مقتطفات من الشغلات اللي جربتها:


أول شغلة جربتها كانت حلو من Chocolastic مسووينه على طريقة أومبري (ألوان مدرجة مثل صبغة الشعرلول). في منه درجات الأزرق ودرجات الأحمر وكل لون نكهته غير. ذقت وحده وطلعت عبارة عن 3 طبقات بسكوت وكيك وفوقه صلصة شوكولاته. الطعم لذيذ بس وايد ثقيلة أكلت نصها بس مع إني من النوع اللي وايد أحب الحلو.


ثاني شي جربته كان مطعم Container 75 مكانه بالجابرية عند نادي تشامبيونز. المكان صغير وهادي طلبنا cheese chili fries  وكان لذيييييذ وطلبنا Buffalo chicken طريقته مثل أجنحة الدجاج بس فيليه. وطلبنا سلطة سيزر بالدجاج وبرجر Pearl Harbor اللي تكون عبارة عن برجر لحم مع بيكن وصلصة باربيكيو. بشكل عام الأكل كان لذيذ بس ياريت يقللون كمية الصوص في البرجر.


ثالث شغلة جربتها كانت أرماني كافيه. قلنا بناكل حلو مع قهوة فماجربنا مينيو الأكل. طلبنا تارت التوت وكان أحلى شغلة طلبناها. ,وطلبنا فوندان بس كان صوص الشوكولاته اللي داخلها شوي مر. وطلبنا بسكوت إيطالي cantuccini. ومن المشروبات طلبنا كابتشينو وكوكتيل باشن فروت مع البرتقال.

No comments:

Post a Comment